ފުލުހުންގެ ބިލް އޮތީ ނުފޫޒު ފޯރުވޭ ގޮތަށް: ރިޔާޒް

ފުލުހުންގެ ބިލް އޮތީ ސިިޔާސީ ނުފޫޒު ފޯރުވޭ ގޮތަށް: ރިޔާޒް

14 ފެބުރުއަރީ 2020

ރައްޔިތުންގެ މަޖިލީހަށް ސަރުކާރުން ހުށަހަޅާފައިވާ ފުލުހުންގެ ޚިދުމަތުގެ ބިލް އޮތްގޮތުން، ފުލުހުންނަށް ސިޔާސީ ނުފޫޒު ފޯރުވުމުގެ ފުރުސަތު އެބައޮތް ކަމަށް މަޖިލީހުގެ ތިމަރަފުށީ ދާއިރާގެ މެމްބަރު އަދި ކުރީގެ ޕޮލިސް ކޮމިޝަނަރު އަބްދުﷲ ރިޔާޒް މިއަދު ވިދާޅުވެއްޖެ އެވެ.

މުއިއްޒު އިބްރާހިމް

މިހާރު އަމަލުކުރާ ފުލުހުންގެ ގާނޫނުގެ ބަދަލުގައި، ފުލުހުންގެ ޚިދުމަތުގެ އާ ގާނޫނެއް ވުޖޫދަށް ގެނައުމުގެ ބިލެއް ސަރުކާރުގެ ފަރާތުން ވަނީ މަޖިލީހަށް ހުށަހަޅައިފަ އެވެ. އެ ބިލް ހުށަހެޅި ސަބަބެއްގެ ގޮތުގައި އޮތީ ފުލުހުންގެ ޚިދުމަތަކީ ގާނޫނުއަސާސީ އާއި ގާނޫނުތަކާ އެއްގޮތަށް އަދި އިންސާނީ ހައްގުތަކަށް އިހްތިރާމް ކުރުމާ އެކު ދެވޭ ޚިދުމަތެއް ކަން ކަށަވަރު ކުރުމެވެ.

https://majlis.gov.mv/storage/action_files/437/TxKVbWpK0YaWR2dQ1WHSHAMsMSxZB9juk8M0UB6H.pdf

ދިވެހި ފުލުހުންގެ ޚިދުމަތުގެ ބިލް

އެކަމާ ގުޅިގެން، ރިޔާޒް ކުރެއްވި ޓްވީޓެއްގައި ވިދާޅުވީ، އެ ބިލް އޮތްގޮތުން ފުލުހުންނަށް މިނިވަންކަމާ އެކު މަސައްކަތް ކުރުމަށް ހުރަސްއެޅޭ ކަމަށެވެ. އަދި ފުލުހުންނަށް ސިޔާސީ ނުފޫޒާއި އެހެނިހެން ނުފޫޒުތައް މިހާރަށް ވުރެ ބޮޑަށް ފޯރުވުމުގެ ފުރުސަތު ހުޅުވޭނެ ކަމަށް އޭނާ ވިދާޅުވި އެވެ.

ރިޔާޒް ވިދާޅުވި ގޮތުގައި، މިފަދަ މުޖްތަމައުއެއްގައި އެއްވެސް ނުފޫޒެއް ނެތި މިނިވަންކަމާ އެކު ފުލުހުންނަށް މަސައްކަތް ކުރެވެން ޖެހޭނެ އެވެ.

Proposed Police Bill restricts operational independence and paves more room for political and institutional influence to policing function. MPS needs to be operationally independent to deliver fair and just service in this politically polarized society! https://t.co/UQ9hLR7e71
— Abdulla Riyaz MP (@riyazabdulla) February 14, 2020