11 ސެޕްޓެމްބަރ 2019
ރިޔާސީ ކޮމިޝަންގެ ތަހުގީގަށް 17 ތަނަކާއި 11 މީހެއް ބަލާ ފާސްކުރުމަށް ފަހު، ފުލުހުން ފެށި ހާއްސަ އޮޕަރޭޝަން މިރޭ ނިންމާލައިފި އެވެ.
ރިޔާސީ ކޮމިޝަންގެ ތަހުގީގަށް 17 ތަނަކާއި 11 މީހެއް ބަލާ ފާސްކުރުމަށް ފަހު، ފުލުހުން ފެށި ހާއްސަ އޮޕަރޭޝަން މިރޭ ނިންމާލައިފި އެވެ.
ގެއްލުވާލާފައިވާ މީހުންނާއި ވަގަށް ނަގާފައިވާ މީހުންގެ މައްސަލަތައް ބަލަން އުފެއްދި ކޮމިޝަނުން އަންނަނީ 27 މައްސަލައެއް ބަލަމުންނެވެ. އޭގެ ތެރެއިން ވަގަށް ނަގާފައިވާ ނޫސްވެރިޔާ ރިލްވާން އަހުމަދުގެ މައްސަލައާ ގުޅޭ ވަރަށް ތަފްސީލީ މައުލޫމާތު މިދިޔަ އާދިއްތަ ދުވަހު ވަނީ ކޮމިޝަނުން ދީފަ އެވެ.
ފުލުހުން ބުނީ ކޮމިޝަންގެ ބޭނުމަށް ހޯދި އަމުރުތަކުގެ ދަށުން ރެއިން ފެށިގެން މާލެ އާއި އައްޑޫގެ ތަންތަން ފާސްކޮށްފައިވާ ކަމަށެވެ. އެއީ ބަލާ ފާސްކުރުމުގެ އޮޕަރޭޝަނަކަށް ވާތީ އެއްވެސް މީހަކު ހައްޔަރުނުކުރާ ކަމަށް ފުލުހުން ބުންޏެވެ.
"އެ ކޮމިޝަނުން މި ސާވިސްއާ ހަވާލުކޮށްފައިވާ ހުރިހާ ކޯޓު އަމުރުތަކެއް ތަންފީޒުކޮށް ނިމިފައިވާތީ ފުލުހުން އިއްޔެ އިން ފެށިގެން ކުރިއަށްގެންދިޔަ އޮޕަރޭޝަން މިހާރު ވަނީ ނިންމާލާފައި،" ފުލުހުންގެ މީޑިއާ އޮފިޝަލް ވިދާޅުވި އެވެ.
މާލެ އާއި އައްޑޫގެ އިތުރުން ކަނޑުމަތީގައި ވެސް ފުލުހުންގެ އޮޕަރޭޝަން ހިންގި އެވެ.
ރިލްވާން ވަގަށް ނެގުމަށް ފަހު އެރުވިކަމަށް ރިޔާސީ ކޮމިޝަންގެ ޑްރާފްޓް ރިޕޯޓުގައި ބުނާ ދޯނި ހަމަޖެއްސި އަހުމަދު އަގްލީލް (ކިޑް) ވެސް، އައްޑޫގައި ހިންގި އޮޕަރޭޝަނުގެ ތެރެއިން، ފުލުހުންގެ ބެލުމުގެ ދަށަށް ގެންދިޔަ އެވެ. ބަޔާން ނެގުމަށް ފަހު ރޭ އޭނާ ދޫކޮށްލީ ފޯނާއި ލެޕްޓޮޕް އަތުލުމަށްފަހު އެވެ.
އިހުމާލުވި އެންމެންނަށް ފިޔަވަޅު އަޅަން ޖެހޭ: އާއިލާ
ރިލްވާންގެ ތަހުގީގުގައި މުއައްސަސާތަކުގެ އިހުމާލު ބަލަނީ
ހެއްކަކަށް ވަޅި ހުށަހަޅަން އިހުމާލުވުމުން ފިޔަވަޅުނާޅާ!
ރިލްވާން ގެއްލުވާލުން: ވަޅިން މުހިއްމު ހެކި ލިބިއްޖެ
ރިލްވާންގެ މަރު: ވަޅީގެ މައުލޫމާތަށް 500،000ރ
އަދީބު ސަބަބު ނުބުނަނީސް ރިލްވާން އާއިލާގެ މާފެއް ނެތް
"ރިލްވާން މައްސަލައިގައި ކުރެވެން ހުރިކަމެއް ކުރިން"
ތަހުގީގުތަކާ ގުޅިގެން ނަޝީދުގެ ކަންބޮޑުވުން ކޮމިޓީ އަށް
މަޒީދާއި ސާމިތުގެ މައްސަލަ ޕީޖީން އަނބުރާ ފޮނުވައިފި
ހުސެއިން ވަހީދަށް ފުލުހުންގެ މައްސަލައެއް ނުފެނޭ!