ރޯދަމަހަށް ހާއްސަ ޕްރޮމޯޝަނެއް އެސްޓީއޯ ސުޕަމާޓުން ފަށައިފި

މި އަހަރުގެ ރޯދަ މަހަށް ޚާއްސަ ޕްރޮމޯޝަނެއް އެސްޓީއޯ ސުޕަމާޓުން ފަށައިފި އެވެ.

'ރަމަޒާން ބާޒާރު' ގެ ނަމުގައި ކުރިއަށް ގެންދާ މި ޕްރޮމޯޝަން ގައި ކަސްޓަމަރުންނަށް ހެޔޮ އަގެއްގައި ކާބޯތަކެތީގެ ސާމާނު ލިބޭނެ އެވެ. އަދި ރޯދަ މަހަށް ހާއްސަކޮށް އާންމުން ގަންނަ ބަދިގެ ސާމާނުން ބޮޑު ޑިސްކައުންޓެއް ލިބޭނެ ކަމަށް އެސްޓީޢޯ އިން ބުނެ އެވެ. އެގޮތުން، 50 ޕަސެންޓާ ހަމައަށް ޑިސްކައުންޓު ؛ލިބޭނެ ކަަމަށް އެސްޓީއޯ އިން ބުންޏެވެ.

"އަގު ހުރި އިނާމުތަކާ އެކު މި ޕްރޮމޯޝަން ކުރިއަށް ގެންދާނީ،" އެސްޓީއޯ ސުޕަމާޓުގެ ސުޕަވައިޒަރު ރައްޝާން މުހައްމަދު މިއަދު ވިދާޅުވި އެވެ.

ސައިކަލް ވިއްކާ ފިހާރަ ލިޓަސްއާ ގުޅިގެން ހިންގާ ޕްރޮމޯޝަންގެ ގުރުއަތުލުމުގައި 500 ރުފިޔާ އަށް ވުރެ މަތީގެ ވިޔަފާރިއެއް ކުރާ ކޮންމެ މީހަކަށް ވެސް ބައިވެރިވެވޭނެ އެވެ.

ޕްރޮމޯޝަން ކުރިއަށް ގެންދާނީ މިއަދުން ފެށިގެން ޖޫން 10 ވަނަ ދުވަހުގެ ނިޔަލަށެވެ. ޕްރޮމޯޝަން ނިމުމާ އެކު ޖޫން 11 ވަނަ ދުވަހު ގުރުއަތު ނަގާނެ އެވެ. ޕްރޮމޯޝަނުން ހޮވޭ ނަސީބުވެރިޔާގެ އިނާމަކީ ސައިކަލެކެވެ.