ކިންގް ސަލްމާން މިސްކިތް އިމާރާތްކުރަން ފަށައިފި

16 ފެބުރުއަރީ 2018

ސައޫދީ ސަރުކާރުގެ ހިލޭ އެހީގައި މާލޭގައި އަޅާ "ކިންގް ސަލްމާން" މިސްކިތް އިމާރާތް ކުރަން ފަށައިފި އެވެ.

އަހުމަދު ސާއިލް އަލީ

ސައޫދީ ސަރުކާރުގެ ހިލޭ އެހީގައި މާލޭގައި އަޅާ "ކިންގް ސަލްމާން" މިސްކިތް އިމާރާތް ކުރަން ފަށައިފި އެވެ.

ހައުސިން މިނިސްޓަރު މުހައްމަދު މުއިއްޒު ރޭ ކުރެއްވި ޓުވީޓެއްގައި ވިދާޅުވީ ކިންގް ސަލްމާން މިސްކިތުގެ ފައުންޑޭޝަންގެ މަސައްކަތް ބާރަށް ކުރިއަށް އެބަދާ ކަމަށެވެ. އެ މިސްކިތަކީ ރައީސް އަބްދުﷲ ޔާމީންގެ ހާރިޖީ ސިޔާސަތުގެ ސަބަބުން، ސައުދީ އަރަބިއްޔާއާ އުފެދިފައިވާ ގާތް ގުޅުމުގެ ރަމްޒެއް ކަމަށް ވެސް ވިދާޅުވި އެވެ.

Raees Yameen ge harudhanaa khaarijee siyaasathuge sababun Saudi Arabia aadhemedhu ufedhifaivaa varugadha gulhun ramzukohdhey King Salman Mosque ge foundation concrete masakkai feshigen baarah kuriyah dhanee. pic.twitter.com/MoDgqQ2fzg
— Dr.Mohamed Muizzu (@MMuizzu) February 15, 2018

މިސްކިތުގެ މަސައްކަތާއި ގުޅޭގޮތުން މިނިސްޓަރު ކުރެއްވި ޓުވީޓް--

ހަ ބުރި އަށް ހަދާ އެ މިސްކިތަކީ ރާއްޖޭގައި މިހާތަނަށް އަޅާ އެންމެ ބޮޑު އަދި އެންމެ ރީތި މިސްކިތަށް ވާނެ ކަމަށް ހައުސިން މިނިސްޓްރީން ވަނީ ބުނެފަ އެވެ.

ކިންގް ސަލްމާން މިސްކިތުގައި ހިމެނޭނެ ބައެއް ތަންތަން:

- މަލްޓި ޕާޕަސް ހޯލެއް ހުންނާނެ

- ގުރުއާނާ ބެހޭ މަރުކަޒު މިސްކިތަށް ބަދަލުކުރެވޭނެ

- ދުނިޔޭގެ ފެންވަރުގެ ލައިބްރެރީއެއް ހުންނާނެ

- ސެމިނާތަކާއި ކްލާސްރޫމްތައް ހުންނާނެ

King Salman miskithuge massakkai 24 million dollarah turkey bayakaa havaalukoffi

ކިންގް ސަލްމާން މިސްކިތް އެޅުމަށް ޓާމެކްސް ކުންފުންޏާ ހަވާލުކުރީ 500 ދުވަސް ތެރޭގައި ނިންމަން ޖެހޭ ގޮތަށް. ޓާމެކްސް އަކީ ހުޅުމާލޭގައި ޓްރީ ޓޮޕް ހޮސްޕިޓަލް އިމާރާތް ކުރާ ކުންފުނި. އެ ހޮސްޕިޓަލްގެ ބޮޑު ބައެއް ނިމި މި އަހަރު ހުޅުވަން ވަނީ ތައްޔާރުވެފައި.

Mihaaru

އާޓިފިޝަލް ބީޗް އުތުރުން ހަދާ އެ މިސްކިތަކީ ޖާގަ ތަނަވަސް އެއްފަހަރާ 6،000 މީހުންނަށް ނަމާދު ކުރެވޭނެ މިސްކިތެއް ކަމަށް ހައުސިން މިނިސްޓްރީން ވަނީ ބުނެފަ އެވެ.

Comments