އެސްޓީއޯގެ ތެޔޮބޯޓެއް ފަރަކަށް އަރައިފި

އެސްޓީއޯގެ ތެޔޮބޯޓެއް ޅ. ފެލިވަރު ކައިރީގައި އޮންނަ ފަރަކަށް މީގެ އިރުކޮޅެއް ކުރިން އަރައިފި އެވެ.

އެމްއެންޑީއެފުން ބުނީ "ގުރާބު" ނަމަކަށް ކިޔާ އެ ބޯޓު ށ. މިލަންދޫން ފުރައިގެން މާލެ ދަތުރުކުރަނިކޮށް ފަރަށް އެރިއިރު އޭގައި 12 މީހަކު ތިބި ކަމަށެވެ. އަދި ބޯޓު ދަތުރުކުރީ ޕެޓްރޯލް ހިފައިގެން ކަމަށް އެމްއެންޑީއެފުން ބުނެ އެވެ.

ބޯޓު ފަރަށް އެރިކަމުގެ މައުލޫމާތު އެމްއެންޑީއެފަށް ލިބުނީ މިއަދު ހެނދުނު 6:15 ގައި ކަމަށް އެ އިދާރާ އިން ބުންޏެވެ. ބޯޓު ފަރަށް އެރުމާ ގުޅިގެން އެމްއެންޑީއެފް ނޮދަން އޭރިއާގެ ސިފައިން މިހާރު އަންނަނީ ހަރަކާތްތެރިވަމުންނެވެ. އަދި ކޯސްޓް ގާޑުގެ ޑައިވަރުން ވެސް އެ ސަރަހައްދުގައި ހަރަކާތްތެރިވަމުން އަންނަ ކަމަށް އެމްއެންޑީއެފުން ބުންޏެވެ.