ޝަލަބީގެ "ބޭނުމީ އިޝްގާ" ވަރަށް ހިތްގައިމު

މޯލްޑިވިއަން އައިޑޮލް ސީޒަން އެކަކުން އެހުންތެރިންގެ އެ އަޑެއްގެ ޖާދޫގައި ޖެއްސި ލަވަކިޔުންތެރިޔާ ޝަލަބީ އިބްރާހީމްގެ ލަވައެއް ނީވޭތާ ދުވަސްކޮޅެއް ފަހުން ހިތްގައިމު ލަވަޔަކުން އެހުންތެރިންގެ ހިތް އުފާކޮށްދީފި އެވެ.

މިއީ އާ ލަވައެއް ނޫނެވެ. ހާއްސަވަނީ ޝަލަބީގެ އަޑުން މި ލަވަ ކިޔާފައި ވުމުންނެވެ.

މިއީ ދިވެހިންގެ ތެރޭގައި ވަރަށް މަގުބޫލުވި ލަވައެއް ކަމަށްވާ "ބޭނުމޭ އިޝްގާ" އެވެ. މި ލަވައަކީ ކުރީގެ ލަވަ ކިޔުންތެރިޔާ މުހައްމަދު ހުޒާމް ކިޔާފައިވާ ވަރަށް ހިތްގައިމު ލަވައެކެވެ.

"ބޭނުމޭ އިޝްގާ" މީގެ ކުރިން އަންހެން ލަވަ ކިޔުންތެރިއެއްގެ އަޑުން ވެސް އިވިފައި ވާނެ އެވެ. އެއީ ހަދީޖާ އިބްރާހީމް (ރިޒޫ) ގެ އަޑުންނެވެ.

ސައުންޑްކުލައުޑަށް ދޫކޮށްލި ޝަލަބީގެ "ބޭނުމޭ އިޝްގާ" އަޑު އަހާލާށެވެ.

ލަވައިގެ އަސަރު ވަރަށް ގަދަ އެވެ. އެއް ފަހަރު އަޑު އަހާލައިގެން ހިތެއް ނުފުރޭނެ އެވެ. ތަކުރާރުކޮށް ހަމަ މި ލަވަ އަޑު އަހަން ބޭނުން ވާނެ އެވެ. އެހެންވެ ޕްލޭ ލިސްޓަށް އިތުރުކޮށްލަން މިއީ ރަނގަޅު ލަވަޔަކަށް ވާނެ އެވެ.