މާވަށުގައި މަރާލި ޒުވާނާގެ ހަށިގަނޑު ތަހުލީލަށް މާލެ ގެނެސްފި

ލ. މާވަށުގައި ބޮލަށް ހަމަލާދީ އިއްޔެ މަރާލި މޫސާ އިބްރާހިމްގެ ހަށިގަނޑު، އިތުރު ތަހުލީލު ހެދުމަށް ރޭ މާލެ ގެނެސްފި އެވެ.

މޫސަ، 29، ގެ ހަށިގަނޑު މާލެ ގެނައިކަން ފުލުހުން ކަށަވަރުކޮށްދިނަސް ޕޯސްޓްމޯޓަމް ހަދާނެ ކަމެއް ނުވަތަ ނޫން ކަމެއް އަދި ނުބުނެ އެވެ.

ދެ މީހެއްގެ ދެމެދުގައި ހިނގި ހަމަނުޖެހުންތަކުގައި، މޫސަގެ ކަރަށް ހަމަލާދިނީ ހެނދުނު 10:10 ހާއިރެވެ. ރަށު ހެލްތު ސެންޓަރަށް ގެންދިޔައިރު ވެސް އޭނާ މަރުވެފައިވާ ކަމަށް، އެ ސެންޓަރާ ހަވާލާދީ ފުލުހުން ވަނީ ބުނެފަ އެވެ.

އޭނާގެ މަރުގެ ތުހުމަތުގައި ހދ. ނޮޅިވަރަންފަރު، އަސަރީމަންޒިލް، މުހައްމަދު އިބްރާހިމް ވަނީ ހައްޔަރުކޮށްފަ އެވެ. މޫސައަށް ހަމަލާދިނުމަށް ބޭނުންކުރި ކަމަށް ބެލެވޭ ވަޅި ވެސް ފުލުހުން ވަނީ ހޯދައިފަ އެވެ.

ފުލުހުން ބުނި ގޮތުގައި އެ މައްސަލާގައި ހައްޔަރުކުރީ މަސްތުވާތަކެތީގެ ރެކޯޑު އޮންނަ މީހެކެވެ.