ބޭންކް އޮފް މޯލްޑިވްސް (ބީއެމްއެލް) ގެ ހިއްސާ ރިކޯޑު މިންވަރަށް އުފުލިފައިވާކަން މޯލްޑިވްސް ސްޓޮކް އެކްސްޗޭންޖުގެ ތަފާސްހިސާބުތަކުން ދައްކައިފި އެވެ.
ބޭންކް އޮފް މޯލްޑިވްސް (ބީއެމްއެލް) ގެ ހިއްސާ ރިކޯޑު މިންވަރަށް އުފުލިފައިވާކަން މޯލްޑިވްސް ސްޓޮކް އެކްސްޗޭންޖުގެ ތަފާސްހިސާބުތަކުން ދައްކައިފި އެވެ.
ހިއްސާއެއް ވިއްކުމަށް 900ރ. ހުށަހަޅާފައިވާއިރު، ގަތުމަށް 765ރ. ވަނީ ހުށަހަޅައިފަ އެވެ. މިދިޔަ މާޗު މަހު 670ރ. ގައި ހުރި ހިއްސާގެ އަގު މިހާ ބޮޑަށް އުފުލެން ދިމާވި ސަބަބުތަކުގެ ތެރޭގައި ބީއެމްއެލްގެ މާލީ ކުރިއެރުމާއި ކަސްޓަމަރުންގެ އިތުބާރު ހިމެނެ އެވެ.
ބީއެމްއެލް އިން 2024 ގައި ވަނީ ރެކޯޑު އަދަދެއްގެ ހިއްސާގެ ފައިދާ ބަހައިފަ އެވެ. އެއީ ހިއްސާއަކަށް 55ރ. ގެ މަގުން 296 މިލިއަން ރުފިޔާ އެވެ. އަދި ބޭންކުގެ އަހަރީ އާންމު ޖަލްސާ އަށް ރެކޯޑު އަދަދެއްގެ ހިއްސާދާރުން (76 ޕަސެންޓަށް ވުރެ ގިނަ ހިއްސާ ތަމްސީލްކުރާ ހިއްސާދާރުން) ބައިވެރިވެފައިވުމާ އެކު، ގިނަ އަހަރުތަކަކަށް ފަހު ބޭންކުގެ ހިންގާ ގަވާއިދަށް ވަނީ އިސްލާހުތައް ވެސް ގެނެސްފަ އެވެ.
ދުނިޔެ އަށް ކުރިމަތިވެފައިވާ އިގުތިސާދީ ގޮންޖެހުންތަކުގެ ތެރެއިން ވެސް މިދިޔަ އަހަރު އެ ބޭންކުން ވަނީ 643 މިލިއަން ރުފިޔާގެ ޓެކްސް ދައްކައި 2.25 ބިލިއަން ރުފިޔާގެ ސާފު ފައިދާ ހޯދައިފަ އެވެ.
މިދިޔަ މަހުގެ 28 ވަނަ ދުވަހުގެ ރޭ ބޭއްވި ބީއެމްއެލްގެ އަހަރީ އާންމު ޖަލްސާގައި އެ ބޭންކުގެ ބޯޑު މެމްބަރުން ބައިވެރިވެވަޑައިގަންނަވަނީ.---ފޮޓޯ: ނިޝާން އަލީ| މިހާރު
ބޭންކަށް ކަސްޓަމަރުން ކުރާ އިތުބާރު ދައްކުވައިދޭ އެންމެ ބޮޑު އެއްކަމަކީ ކަސްޓަމަރުންގެ އަދަދު އިތުރުވުމާއި ޑިޕޮސިޓް އިތުރު ވެގެން ދިއުން ކަމަށް ވާއިރު، މިދިޔަ އަހަރު 21،000 އަށް ވުރެ ގިނަ ކަސްޓަމަރުން ބީއެމްއެލްއާ ގުޅިފައި ވެ އެވެ. އަދި އެ އަހަރު ނިމުނު އިރު ކަސްޓަމަރުންގެ ޑިޕޮސިޓް ވަނީ 32 ބިލިއަން ރުފިޔާ އަށް އަރައިފަ އެވެ.
ރާއްޖޭގެ ބޭންކިން ދާއިރާގެ ޑިޕޮސިޓަށް ބަލާއިރު 58 ޕަސެންޓަކީ ބީއެމްއެލްގެ ހިއްސާ އެވެ.
މިދިޔަ މަހުގެ 28 ވަނަ ދުވަހުގެ ރޭ ބޭއްވި ބީއެމްއެލްގެ މިދިޔަ އަހަރުގެ އަހަރީ އާންމު ޖަލްސާގައި ސީއީއޯ މުހައްމަދު ޝަރީފު ވިދާޅުވިގޮތުގައި މި އަހަރުގެ ފުރަތަމަ ކުއާޓަރުގައި އެ ބޭންކުގެ ހިންގުމުގެ ފައިދާގެ ގޮތުގައި 698 މިލިއަން ރުފިޔާ އަދި ސާފު ފައިދާގެ ގޮތުގައި 497 މިލިއަން ރުފިޔާ ލިބިފައިވެ އެވެ. އެ މުއްދަތުގައި އަމިއްލަ ފަރުދުންނާއި ވިޔަފާރިތަކަށް 1.7 ބިލިއަން ރުފިޔާގެ އައު ލޯނު ދޫކޮށްފައިވާ ކަމަށާއި މިއީ މިދިޔަ އަހަރުގެ ފުރަތަމަ ކުއާޓަރާ އަޅާބަލާއިރު 72 ގެ އިތުރު ވުމެއް ކަމަށް އޭނާ ވިދާޅުވި އެވެ.
އެ ހިސާބުތަކަށް ބަލާއިރު، މިދިޔަ އަހަރު ލިބުނު ފަދަ މާލީ ކުރިއެރުމެއް މި އަހަރު ވެސް އެ ބޭންކަށް ލިބޭނެ ކަމަށް ލަފާކުރެވެ އެވެ. އަދި ބީއެމްއެލްގެ ހިއްސާގެ އަގު ވެސް އިތުރުވާނެ ކަމަށް ލަފާކުރެ އެވެ.
އެންމެ 10 މިލިއަން ރުފިޔާގެ ރައުސުލްމާލަކުން ފެށި ބީއެމްއެލްގެ ރައުސުލްމާލު މިހާރު ވަނީ 14 ބިލިއަން ރުފިޔާ އަށް ވުރެ މަތިވެފަ އެވެ.
އޭއައިއާއެކު، ބީއެމްއެލްގެ ހިދުމަތް އޮޓަމޭޓް ކުރަނީ
އޭބީއޭގެ ކޮންފަރެންސް އަންނަ އަހަރު ބާއްވާނީ ރާއްޖޭގައި
ބީއެމްއެލްގެ އިންޓާންޝިޕް ޕްރޮގްރާމަށް ހުޅުވާލައިފި
އެސްޑީއެފްސީގެ އޮޕަރޭޝަންސް ޑައިރެކްޓަރަކަށް ފާރިހަތު
ބީއެމްއެލްއިން އައިސީޓީ ދާއިރާގެ މައުލޫމާތު ސެޝަނެއް
ގދ. އަތޮޅުގެ ހުރިހާ ރަށެއްގައި ބީއެމްއެލްގެ އޭޓީއެމް
ގއ.ގެ ހުރިހާ ރަށަކަށް ބީއެމްއެލް އޭޓީއެމްގެ ހިދުމަތް
ބީއެމްއެލްއިން ޕްލާސްޓިކް ރިސައިކަލް ކުރުމުގެ ޕްރޮޖެކްޓެއް
އެސްޑީއެފްސީއަށް ބީއެމްއެލްގެ ޝަރީފާއި ބަދުރުއްދީން
ބީއެމްއެލްގެ ތިންވަނަ ބިޒްނަސް ސެންޓަރު ކުޅުދުއްފުށީގައި