25 އޯގަސްޓް 2024
ބަންގްލާދޭޝްގެ ބިންގަނޑު ތިރި ހިސާބުތަކުގައި ފެންބޮޑުވުމުގެ ސަބަބުން ތިން ލައްކައެއްހާ މީހުން ވަގުތީ ހިޔާތަކަށް ގެންދަންޖެހިއްޖެ އެވެ.
ބަންގްލާދޭޝްގެ ބިންގަނޑު ތިރި ހިސާބުތަކުގައި ފެންބޮޑުވުމުގެ ސަބަބުން ތިން ލައްކައެއްހާ މީހުން ވަގުތީ ހިޔާތަކަށް ގެންދަންޖެހިއްޖެ އެވެ.
ބޯކޮށް ވާރޭ ވެހުމުގެ ސަބަބުން ފެންބޮޑުވެ، ބަންގްލަދޭޝްގެ އިތުރުން އިންޑިއާގެ ބައެއް ހިސާބުތަކުގައި ވެސް ފެން ބޮޑުވެފައި ވާއިރު މި ދެ ގައުމުން މިހަފްތާގައި މަރުވި މީހުންގެ އަދަދު 42 އަށް ވަނީ އަރައިފި އެވެ. އޭގެ ތެރެއިން ގިނަ ބަޔަކު މަރުވީ ބިންގަނޑު ކަނޑައިގެން ދިއުމުގެ ހާދިސާތަކުގަ އެވެ.
އާބާދީ 170 މިލިއަނަށް އަރާ ބަންގްލާދޭޝަކީ އެތައް ސަތޭކަ ކޯރުތަކަކުން ބައި ބަޔަށް ބެހިފައިވާ ގައުމަކަށް ވާއިރު، ފެން ބޮޑުވުމުގެ ހާދިސާތައް މި ފަހުން ވަނީ އިތުރުވެފަ އެވެ.
މޫސުމީ ވިއްސާރައިގެ ސަބަބުން ކޮންމެ އަހަރަކު ވެސް ބޮޑެތި ގެއްލުންތަކެއް ލިބެމުންދާއިރު މޫސުމަށް އަންނަ ބަދަލުތަކުގެ ސަބަބުން މިފަދަ ގެއްލުން ބޮޑު މޫސުމީ ހާދިސާތައް ވެސް ދަނީ އިތުރުވަމުންނެވެ.
ބަންގްލާދޭޝްގައި ފެންބޮޑުވެފައިވާ ސަރަަހައްދެއްގައި ބަޔަކު މުދާތައް ސަލާމަތްކުރުމަށް މަސައްކަތްކުރަނީ. -- ފޮޓޯ: އޭއެފްޕީ
ވެރިރަށް ޑާކާ އާއި ޕޯޓް ސިޓީ ޗިޓަގޮންގްއާ ދެމެދު ހައިވޭތަކާއި ރޭލް ލައިންތައް ފެން ބޮޑުވުމުގެ ސަބަބުން ހަލާކުވެ ވިޔަފާރީގެ ހަރަކާތްތަކަށް ވަނީ ބުރޫ އަރައިފަ އެވެ. އެންމެ ބޮޑަށް ގެއްލުން ލިބުނު ސަރަހައްދުތަކުގެ ތެރޭގައި މިޔަންމާގެ މިލިއަނެއްހާ ރޮހިންޖާ ރެފިއުޖީން ދިރިއުޅޭ ޑިސްޓްރިކްޓެއް ކަމަށްވާ ކޮކްސް ބާޒާރު ހިމެނެ އެވެ.
ޓްރިޕޫރާ ސްޓޭޓް ޑިޒާސްޓާ އެޖެންސީގެ އޮފިޝަލް ސަރަތު ކުމާދު ދާސް އޭއެފްޕީއަށް ވިދާޅުވި ގޮތުގައި، ހޯމަ ދުވަހުން ފެށިގެން ބޯޑަރުގެ އިންޑިއާ ސަރަހައްދުން 24 މީހުން މަރުވެފައި ވާއިރު ބަންގްލާދޭޝް ފަޅިން 18 މީހަކު ވަނީ މަރުވެފަ އެވެ.
އޭނާ ވިދާޅުވި ގޮތުގައި ވަގުތީ ހިޔާތަކުގައި 285،000 މީހަކު އުޅެމުން ދާއިރު 4.5 މިލިއަން މީހުންނަށް ވަނީ އެކި ގޮތްގޮތުން ގެއްލުންވެ ދަތިކަމާ ކުރިމަތިވެފަ އެވެ.
ބަންގްލަދޭޝްގައި ފެންބޮޑުވެފައި މިވަނީ ދަރިވަރުން އިސްވެ ތިބެ ގެނައި އިންގިލާބަކުން ބަންގްލަދޭޝްގެ ސަރުކާރު ވައްޓާލުމުން ވަގުތީ ސަރުކާރަކުން ގައުމު ހިންގަމުންދާ ވަގުތެއްގަ އެވެ.
އިންޑިއާ އާއި ބަންގާޅުގައި ފެންބޮޑުވެ ބަޔަކު މަރުވެއްޖެ
މާލެއަށް އިއްޔެ 89 މިލިމީޓަރުގެ ވާރޭ ވެހުނު
ވިއްސާރައާ ގުޅިގެން، ރައީސް ޓާސްކްފޯހެއް އުފައްދަވައިފި
މާލޭގައި ބަރު ވެހިކަލް ނުދުއްވަން އެދިއްޖެ
ބޯ ވިއްސާރާގައި މާލޭގެ މަގުތަކުގައި ފެންބޮޑުވެއްޖެ
އިހަވަންދޫގައި ފެންބޮޑުވެ 12 ގެއަކަށް ގެއްލުންވެއްޖެ
ހުއްޓުމެއް ނެތި ވާރޭ ވެހި އުލިގަން ފެނު އަޑީގައި!
ވިއްސާރާގައި ނުވަ ރަށެއްގައި ފެން ބޮޑުވެއްޖެ
ރައީސްގެ ހަމްދަރުދީގެ މެސެޖެއް މޯދީ އަށް
ގަދަ ވިއްސާރާގައި ކެރެލާއިން 93 މަރު