ރަޖްނީކާންތުގެ "ޖެއިލާ"ގެ ސީކުއެލްއެއް ގެނެސްދެނީ، ނަމަކީ "ހުކުމް"

އިންޑިއާގެ ސުޕަސްޓާރު ރަޖްނީކާންތުގެ ކާމިޔާބު ފިލްމު "ޖެއިލާ"ގެ ސީކްއެލްއެއް ގެނެސްދޭން ނިންމައިފި އެވެ.

ރިޕޯޓްތައް ބުނި ގޮތުގައި، އެ ފިލްމުގެ ނަމަކީ "ހުކުމް" އެވެ. އަދި އެ ފިލްމުގެ ސްކްރިޕްޓް މިހާރު ލިޔަމުން އަންނަ ކަމަށާއި ޕްރޮޑަކްޝަން މަސައްކަތްތައް އަންނަ ޖޫން މަހު ފަށާނެ އެވެ.

މިދިޔަ އަހަރު ނުކުތް "ޖެއިލާ" އަކީ ވަރަށް ކާމިޔާބު ފިލްމެކެވެ. އެ ފިލްމަށް ބޮކްސް އޮފީހުގައި ވަނީ 650 ކްރޯޑް ރުޕީސް ލިބިފަ އެވެ. އަދި އެއީ މިދިޔަ އަހަރު ނުކުތް ތަމަޅަ ފިލްމުތަކުގެ ތެރެއިން އެންމެ ބޮޑު އާމްދަނީއެއް ހޯދި ފިލްމެވެ.

"ޖެއިލާ" އަކީ ރަޖްނީކާންތުގެ ސްޓައިލްގެ ވަރުގަދަ ތަޅާފޮޅާ މަންޒަރުތައް ހިމެނޭ ފިލްމެކެވެ. އެ ފިލްމުގައި އޭނާ ކުޅެނީ ފުލުހެއްގެ ރޯލެވެ.

އެ ފިލްމުގައި އޭނާއާ އެކު މުހިންމު ރޯލުތައް ކުޅުނީ ތަމަންނާ ބާޓިއާ އާއި ޖެކީ ޝްރޮފެވެ.

ދެވަނަ ފިލްމު ވެސް ޑައިރެކްޓުކުރާނީ ފުރަތަމަ ބައި ގެނެސްދިން ނެލްސަން ދިލިޕްކުމާރް އެވެ.

މި ފިލްމު ސިނަމާ އަށް ގެންނާނީ އަންނަ އަހަރު ކުރީކޮޅުގައި ކަމަށް ރިޕޯޓްތައް ބުންޏެވެ.