މެރަތަން ރަނާސްގެ ދުވުންތެރިންގެ ކާމިޔާބު ފާހަގަކޮށްފި

ތުރުކީގެ އަނަޓޯލިޔާގައި މި މަހު ބޭއްވި މެރަތަންގައި ވާދަކޮށް، ކުރިއެރުންތަކެއް ހޯދި މެރަތަން ރަނާސް މޯލްޑިވްސްގެ ދުވުންތެރިންގެ ކާމިޔާބު ފަހަގަކޮށްފި އެވެ.

ތަޖުރިބާކާރު މެރަތަން ދުވުންތެރިޔާ އަދި ކޯޗު ނަސްރުﷲ އަހްމަދުގެ ކޯޗުކަމުގެ ދަށުން ވާދަ ކުރި މެރަތަން ޓީމުން ވަނީ ބޮޑު ކުރިއެރުންތަކެއް ހޯދައިފަ އެވެ. ކުރިން އެ ރެކޯޑް އޮންނަނީ ޝިފާޒު މުހައްމަދުގެ އަތުގަ އެވެ.

އެ މެރަތަންގައި ވާދަކޮށް، އެ ޓީމު ޔޫސުފް އިބްރާހިމް ވަނީ ރާއްޖޭގެ މެރަތަން ރެކޯޑް މުގުރާލައިފަ އެވެ. ނަސްރު ބުނިގޮތުގައި، ޔޫސުފްގެ އިތުރުން މެރަތަން ރަނާސްގެ އެހެން ދުވުންތެރިން ވެސް ވަނީ މީގެ ކުރިން، އެ ދުވުންތެރިން މެރަތަންއެއް ނިންމި ވަރަށް އަހަށް ނިންމާފަ އެވެ.

އެ މެރަތަންގައި ވާދަކޮށް، ނަސްރު ވެސް ވަނީ އޭނާގެ 95 ވަނަ މެރަތަން ފުރިހަމަކޮށްފަ އެވެ. އެ މެރަތަންގެ ފިނިޝިން މެޑަލް ނައިބު ރައީސް ހުސައިން މުހައްމަދު ލަތީފަށް ހަދިޔާ ކުރުމަށް ނަސްރު ވަނީ ނިންމައިފަ އެވެ.

ހުކުރު ދުވަހުގެ ރޭ، މާފަންނު ސްޓޭޑިއަމްގައި ދުވާ ޓްރެކްގެރޮސްޓަމްގައި ބޭއްވި ހަފުލާ ޝަރަފުވެރިކޮށް ދެއްވީ ސްޕޯޓްސް މިނިސްޓަރު އަބްދުﷲ ރާފިއު އެވެ.

އެ ހަފުލާގައި މިނިސްޓަރު ވިދާޅުވީ އިންޑިއާގެ ލައިން އޮފް ކްރެޑިޓް (އެލްއޯސީ) ގެ ދަށުން ކުރީ ސަރުކާރުން އަޅަން މަސައްކަތް ކުރި ހަތަރު ސިންޓެތިކް މި ސަރުކާރުން ކުރިއަށް ގެންދާނެ ކަމަށެވެ.