އެކަނި މަހަށް ނުކުތް މީހަކު ގެއްލިގެން ހޯދަނީ

އެކަނި މަހަށް ނުކުތް މީހެއްގެ ހަބަރެއް ނުވެގެން ހޯދުމުގެ މަސައްކަތް ސިފައިން ފަށައިފި އެވެ.

ގެއްލިގެން ހޯދަނީ އދ. ދަނގެތި ޔޫސުފް އިބްރާހިމް، 65 އެވެ.

އެމްއެންޑީއެފުން ބުނީ، އެ މީހާ ގެއްލުނީ ކުޑަ ދޯންޏެއްގައި މަހަށް ނުކުމެ އުޅެނިކޮށް ކަމަށާއި އެ ރިޕޯޓް ލިބުނީ މިއަދު 11:42 ހާއިރު ކަމަށެވެ.

އެމީހާ މަހަށް ނުކުތީ މިއަދު ފަތިިހު ކަމަށްވެ އެވެ. އެއީ އާންމު ގޮތެއްގައި ވެސް އެކަނި މަހަށް ނުކުމެ އުޅޭ މީހެކެވެ.

އެމްއެންޑީއެފް އިން ބުނީ އެ މީހާ ހޯދުމުގެ މަސައްކަތް ކޯސްޓްގާޑުން ކުރަމުން އަންނަ ކަމަށެވެ.