19 ސެޕްޓެމްބަރ 2023
ޓެކްސީތައް ރަޖިސްޓްރީކުރުމަށް "ގަރާޖު ސިޓީ" ބޭނުން ނުވާ ގޮތް ހަދައި، 10،000ރ. ގެ ފީއަކުން އެ އުޅަނދުތައް ރަޖިސްޓްރީކޮށްދޭ ގޮތަށް ގަވައިދު ބަދަލުކޮށްފި އެވެ.
ޓެކްސީތައް ރަޖިސްޓްރީކުރުމަށް "ގަރާޖު ސިޓީ" ބޭނުން ނުވާ ގޮތް ހަދައި، 10،000ރ. ގެ ފީއަކުން އެ އުޅަނދުތައް ރަޖިސްޓްރީކޮށްދޭ ގޮތަށް ގަވައިދު ބަދަލުކޮށްފި އެވެ.
އެ މިނިސްޓްރީގެ "އެއްގަމުގައި ދުއްވާ އިންޖީނުލީ އުޅަނދު ރަޖިސްޓަރީކުރުމުގެ ގަވާއިދު" ބުނާގޮތުން، ހަތަރު ފުރޮޅުލީ އުޅަނދު ރަޖިސްޓްރީކޮށްދޭނީ އެ ގަރާޖެއްގައި އުޅަނދެއް ބޭއްވުމާ މެދު ގަރާޖުގެ ވެރިފަރާތުގެ އިއުތިރާޒެއް ނެތްކަމުގެ ލިޔުމާއި އެ މީހާގެ އައިޑީކާޑުގެ ކޮޕީ އަދި ރަޖިސްޓްރީކޮށްފައިވާ ގަރާޖެއްކަން އެނގޭނެ ލިޔުމެއް ހުށަހެޅުމުންނެވެ.
ނަމަވެސް، އެ ގަވައިދަށް ރޭ ގެނައި ހަތަރު ވަނަ އިސްލާހުގައި ވަނީ ސިނާއީ މަސައްކަތްތަކަށް ހާއްސަކޮށް ގެންނަ ހަތަރު ފުރޮޅުލީ އުނޅަދުތަކާއި ޓެކްސީތަކަށް ބޮޑެތި ލުއިތަކެއް ދީފަ އެވެ.
ޓެކްސީ ކުރުމަށް މީގެ ފަހުން ކާރު ރަޖިސްޓްރީކޮށްދޭނީ 10،000ރ. ގެ ފީއެއް ދެއްކުމުންނެވެ. ސިނާއީ މަސައްކަތްތަކަށް ވަގުތީ ގޮތުން ގެންނަ އުޅަނދުތައް ރަޖިސްޓްރީކޮށްދޭނީ، އުޅަނދަކަށް 15،000ރ. ގެ ރޭޓުން ފީ ދެއްކުމުންނެވެ.
ޓްރާންސްޕޯޓުގެ ޑެޕިއުޓީ މިނިސްޓަރު ހަމަދު އަބްދުލްޣަނީ މިއަދު ވިދާޅުވީ، ޓެކްސީ ކުރާ އުޅަނދުތައް ރަޖިސްޓްރީކުރުމަށް ގަރާޖު ސިޓީ ބޭނުންނުވާ ގޮތަށް ބަދަލުކުރީ އެއީ ޓެކްސީ ޑްރައިވަރުންނަށް ދިމާވެފައިވާ އެންމެ ބޮޑު އެއް ގޮންޖެހުން ކަމަށް ފާހަގަކުރެވިފައިވާތީ ކަމަށެވެ.
މި އިސްތިސްނާ ވާނީ ހަމައެކަނި ޓެކްސީ ބޯޑު ޖަހައިގެން ދުއްވާ އުޅަނދުތަކަށް ކަމަށާއި، މޮބައިލް އެޕްތައް މެދުވެރިކޮށް ނަގާ ކާރުތަކަށް މި ލުއެއް ނުލިބޭނެ ކަމަށް ހަމަދު ވިދާޅުވި އެވެ.
"ރައްޔިތުންނަށް ލިބޭ ހިދުމަތުގެ ފެންވަރުގެ މަތިވެ، ރައްޔިތުންނަށް ދަތުރުފަތުރު ކުރުމަށް އޮންނަ އެއް އޮޕްޝަނަކީ ޓެކްސީ. އެ ސާވިސް އަށް ބޮޑެތި ބަދަލުތަކެއް އަންނާނެ ކަމަށް ބެލެވޭ މި ނިންމުމުގެ ސަބަބުން." އޭނާ ވިދާޅުވި އެވެ.
ހަމަދު ވިދާޅުވި ގޮތުގައި ސިނާއީ މަސައްކަތްތަކަށް ހާއްސަކޮށްގެން ރާއްޖެ ގެންނަ އުޅަނދުތައް ބޭނުންކުރަނީ މަގާއި ބަނދަރާއި ބިން ހިއްކުން އަދި ތަރައްގީގެ އެހެން މަޝްރޫއުތަކަށް ކަމަށެވެ. ތަރައްގީގެ މަޝްރޫއުތައް އިތުރުވާ ވަރަކަށް، އެ އުޅަނދުތައް ވެސް އިތުރުވާ ކަމަށާއި އެކަމަކު އެ އެއްޗެހި ބޭނުންކުރަނީ ޕްރޮޖެކްޓު ސައިޓުގައި ކަމަށް ހަމަދު ވިދާޅުވި އެވެ.
ޑޮމެސްޓިކް ޓާމިނަލަށް ދާ ނަމަ އިތުރު ޗާޖެއް!
ޓެކްސީތަކުގައި ކެމެރާ ހަރުކުރަން އިތުރު ތިން މަސް ދީފި
ޓެކްސީގައި ކެމެރާ ހަރުކުރުން ލާޒިމްކޮށްފި
ބަލަބަލައި ތިއްބާ ޓެކްސީގެ މައްސަލަ އަތްނުފޯރާ ފަށަށް
ބޭނުން އަގެއް ނަގާނަމަ ފިޔަވަޅު އަޅާނެ ކަމުގެ އިންޒާރު
މާލޭ ދަތުރަށް ދެކޮޅުހަދާ ޓެކްސީތައް ރިޕޯޓްކުރަން އެދެފި
ޓެކްސީ ޑްރައިވަރުންނަށް ސަރުކާރުން އެހީވާނެ: ނަހުލާ
ޓެކްސީގެ އާ އުސޫލު ރަނގަޅު، ދަމަހައްޓާނަން: ސަރުކާރު
ޓެކްސީ އަގުގެ އާ އުސޫލު ހުއްޓުވަން ކޯޓަށް
ޓެކްސީ އެޕްލިކޭޝަނަށް ފަސް ހުށަހެޅުމެއް