މާދަމާއިން ފެށިގެން ސިނަމާތައް ހުޅުވަން ހުއްދަ ދީފި

ކޮވިޑް-19 ފެތުރެން ފެށުމާ އެކު އެޅި ރައްކާތެރިކަމުގެ ފިޔަވަޅުތަކުގައި ސިނަމާތައް ބަންދުކުރީތާ 10 މަސް ދުވަހުން ފަހުން މާދަމާ އިން ފެށިގެން ސިނަމާތައް ހުޅުވުމުގެ ހުއްދަ އެޗްޕީއޭ އިން ދީފި އެވެ.

އެޗްޕީއޭ އިން މިއަދު ކުރި އިއުލާނުގައި ބުނީ ސިނަމާތައް ބަންދުކޮށް މިދިޔަ އަހަރު ކުރި އިއުލާނު ބާތިކޮށްފައިވާ ކަމަށާއި ސިނަމާތައް، ރައްކާތެރިކަމާ ހިންގުމުގެ އުސޫލާ އެއްގޮތަށް މާދަމާއިން ފެށިގެން ހުޅުވިޔަސް އެންމެ ރަނގަޅު ކަމަށެވެ.

ސިނަމާތައް ބަންދުކުރަން އެންގީ މިދިޔަ އަހަރުގެ މާޗް 30 ގަ އެވެ. އެއީ ރާއްޖޭގައި ކޮވިޑް ފެތުރެން ފެށުމާ އެކުގަ އެވެ.

ކޮވިޑް ކޮންޓްރޯލްކުރުމަށް އެޅި ވަރަށް ގިނަ ފިޔަވަޅުތަކަށް މިހާރު ވަނީ، ކޮވިޑްގެ ކޭސްތައް މަދުވުމާ އެކު ހުއްދަ ދީފަ އެވެ. ނަމަވެސް ހުއްދަ ދެނީ އެ ކަމަކާ ގުޅޭ ގޮތުން އަމަލުކުރަންޖެހޭ ގައިޑްލައިނަކަށް ތަބާވާންޖެހޭ ގޮތަކަށެވެ.

ރާއްޖޭގައި މިހާރު އަންނަނީ ކޮވިޑް ކޮންޓްރޯލްކުރުމަށް ވެކްސިން ދޭން ވެސް ތައްޔާރުވަމުންނެވެ.