ކޮރަޕްޝަނަށް ހައްލު ނާންނަ ކަމަށް ވިދާޅުވެ ސްޓޭޓް މިނިސްޓަރަކު އިސްތިއުފާ ދެއްވައިފި

21 ޖޫން 2019

ކޮރަޕްޝަންގެ މައްސަލައަކަށް މި ސަރުކާރުގައި ވެސް ހައްލެއް ނުލިބޭ ކަމަށް ވިދާޅުވެ ސައިންސް އެންޑް ޓެކްނޮލޮޖީ މިނިސްޓްރީގެ ސްޓޭޓް މިނިސްޓަރަކު އިއްޔެ އިސްތިއުފާ ދެއްވައިފި އެވެ.

އާސިމާ ނިޒާރު

މަސައްކަތްތަކާ ހިތްހަމަޖެހިވަޑައިނުގެން މަގާމުން ވަކިވެވަޑައިގަތީ ކޮމްޕިއުޓާ ސައިންސްގެ ދާއިރާ އިން މެލޭޝިއާ ގައި ޕީއެޗްޑީ ހާސިލް ކުރައްވަމުން ގެންދަވާ މުހައްމަދު ޝާފިއީ އެވެ.

އޭނާ ވަނީ ކުރީގެ ރައީސް އަބްދުﷲ ޔާމީންގެ ސަރުކާރުން ކޮރަޕްޝަނަށް މަގުފަހިވާ ގޮތަށް ހަވާލުކޮށްފައިވާ ސިއްހީ ދާއިރާއާ ގުޅުން ހުރި ސޮފްޓްވެއާ ޕްރޮޖެކްޓެއް، މި ސަރުކާރުން ވެސް ކުރިއަށް ގެންދަން ނިންމާފައިވާތީ އެކަމުގެ ކަންބޮޑުވުން ފާޅުކުރައްވައިފަ އެވެ.

ސޯޝަލް މީޑިއާގައި މީގެ ކުރިން ވެސް ޝާފިއީ ވަނީ އެކަމާ ގުޅޭގޮތުން ވާހަކަ ދައްކަވައިފަ އެވެ. ޝާފިއީ ވިދާޅުވީ އޭނާ ހުށަހެޅުއްވި ކަންބޮޑުވުންތަކަށް އެއްވެސް ހައްލެއް ލިބިފައި ނުވާތީ އިސްތިއުފާ ދެއްވާފައިވާ ކަމަށެވެ. އޭނާގެ ކަންބޮޑުވުންތަކަށް އަޅާނުލާ ނަމަ މުސާރައެއް ހޯއްދެވުމަށް މަގާމެއްގައި ހުންނަވަން ބޭނުން ނުވާ ކަމަށް ވިދާޅުވި އެވެ.

Since the government refused to address this, and indeed all other concerns I raised, I have resigned from the role of Minister of State. I saw no reason to keep drawing a salary when matters I escalated kept getting swept under the rug.

Now to engage public discourse... https://t.co/GO1NXJb9NE
— Mohamed Shaafiee (@shaafiee) June 20, 2019

ކޮމިއުނިކޭޝަން މިނިސްޓްރީގެ ސްޓޭޓް މިނިސްޓަރަކަށް އޭނާ އައްޔަންކުރެއްވީ ޑިސެމްބަރު 23، 2018 ގަ އެވެ.

Why is the government still ‘preferring’ a software solution (https://t.co/ycAf09ypSc) selected by the original perps behind the 25-storey IGMH building scandal?

Was YAG right all along? Is corruption integral to governance?

If so, is #zerotolerance a farce? https://t.co/xCTH7dHaLM
— Mohamed Shaafiee (@shaafiee) June 19, 2019

ޝާފިއީ ކުރިން ކުރެއްވި ޓްވީޓެއްގައި ވަނީ ދަރުމަވަންތަ ހޮސްޕިޓަލްގެ 25 ބުރީގެ އިމާރާތް ހެދި މީހުން ތައްޔާރުކުރި ސޮފްޓްވެއާ މި ސަރުކާރުން ވެސް ބޭނުން ކުރާތީ ސުވާލު އުފައްދަވައިފަ އެވެ. އެކަމަކު އެ ސޮފްޓުވެއާގެ މައްސަލަތައް އޭނާ ވިދާޅެއް ނުވެ އެވެ.

އަދި ކުރީގެ ރައީސް ޔާމީން ހެއްދެވި ގޯސްތައް ރަނގަޅުވީތޯ އާއި ކޮރަޕްޝަނަކީ ސަރުކާރު ހިންގުމުގެ އަސާސީ ސިފައެއްތޯ ވެސް ސުވާލު އުފެއްދެވި އެވެ.

"އެހެންކަމަށްވާ ނަމަ ޒީރޯޓޮލެރެންސް އަކީ ޖޯކެއްތޯ،"؟ ކޮރަޕްޝަނާ ދެކޮޅަށް މަސައްކަތް ކުރާނެ ކަމުގެ ވައުދާ އެކު ވެރިކަމަށް އައިސްފައިވާ މި ސަރުކާރަށް ޝާފިއީ ސުވާލު ކުރެއްވި އެވެ.

މި ސަރުކާރުން ބުނެފައިވަނީ ކޮރަޕްޝަނަށް ދޭނީ ޒީރޯ ޓޮލެރެންސް ކަމަށެވެ. އެކަން ހުއްޓުވުމަށް ކޮންމެ މަސައްކަތެއް ވެސް ކުރާނެ ކަމަށް ވަނީ ބުނެފަ އެވެ.

Comments