ސޯޝަލް މީޑިއާ އެކްޓިވިސްޓް އަދި ބްލޮގާ ޔާމީން ރަޝީދު މަރާލާފައި އޮއްވައި ރޭ ދަންވަރު ފެނިއްޖެ އެވެ.
ސޯޝަލް މީޑިއާ އެކްޓިވިސްޓް އަދި ބްލޮގާ ޔާމީން ރަޝީދު މަރާލާފައި އޮއްވައި ރޭ ދަންވަރު ފެނިއްޖެ އެވެ.
ސ. ފޭދޫ ޗަނބޭލީގޭ ޔާމީން 29، މަރާލާފައި އޮއްވައި ފެނުނީ މާފަންނު ބިސްބުރު ކައިރީގައި ހުންނަ އޭނާ ދިރިއުޅޭ ގޭގެ ސިޑިގޮޅި ތެރެއިންނެވެ. އޭނާގެ ހަށިގަނޑުގެ 14 ތަނަކަށް ވަޅި ހަރާފައިވާ ކަމަށް ވަނީ އެނގިފަ އެވެ.
މޯލްޑިވްސް ސްޓޮކް އެކްސްޗޭންޖުގައި ވަޒީފާ އަދާކުރާ ޔާމީން ވަރަށް ދަންވަންދެން މަސައްކަތުގައި އުޅުމަށް ފަހު ރޭ ގެޔަށް ދިޔައީ ހިނގާފައި ކަމަށް އޭނާގެ ގާތް ބައެއް މީހުން ބުންޏެވެ.
ސޯޝަލް މީޑިއާ އެކްޓިވިސްޓް ޔާމީން ރަޝީދު ރޭ މަރާލާފައި އޮތް ސަރަހައްދު މިއަދު ފުލުހުން ބަންދުކޮށްފައި.- ފޮޓޯ: ހުސެން ވަހީދު/ މިހާރު
ފުލުހުން ބުނިގޮތުގައި ޔާމީން މަރާލާފައި ވަނީ "ގަސްދުގައި ތޫނު ހަތިޔާރުން ހަމަލަދީ" އެވެ.
ތޫނު އެއްޗަކުން ހަމަލާދީ މަރާލާފައި އޮއްވާ ފެނުނު ޔާމީން ރަޝީދު
"މައްސަލައިގެ ތަހުގީގު ފުލުހުންގެ ސީރިއަސް އެންޑް އޮނައިޒްޑް ކްރައިމް ޑިޕާޓްމަންޓުން އަންނަނީ ކުރަމުން،" ފުލުހުން ކުރި ޓްވީޓެއްގައި ވެ އެވެ.
ސަރުކާރުގެ އެކި ސިޔާސަތުތަކަށް އަދި އިޖުތިމާއީ ތަފާތު ކަންކަމަށް ސޯޝަލް މީޑިއާގައި ފާޑުކިޔަމުން އައި ޔާމީން އަށް ހަމަލާދީ މަރާލާފައި މިވަނީ، މަރުގެ އެކި އިންޒާރުތަކާ ގުޅިގެން އެކަން ބަލައިދޭން ރަސްމީކޮށް ފުލުހުންނަށް ހުށަހަޅާފައި އޮއްވައިކަން "މިހާރު" އަށް ވަނީ އެނގިފަ އެވެ.
ޔާމީނަކީ، މީގެ ދެ އަހަރު ކުރިން ވަގަށް ނަގާފައިވާ، މިނިވަން ނިއުސްގެ ނޫސްވެރިޔާ އަހުމަދު ރިލްވާންގެ އެންމެ ގާތް އެކުވެރިންގެ ތެރޭގައި ހިމެނޭ މީހެކެވެ.
ސޯޝަލް މީޑިއާ އެކްޓިވިސްޓް ޔާމީން ރަޝީދު ރޭ މަރާލާފައި އޮތް ސަރަހައްދު މިއަދު ފުލުހުން ބަންދުކޮށްފައި.- ފޮޓޯ: ހުސެން ވަހީދު/ މިހާރު
ވަރަށް ގިނަ ދުވަހު އިންޑިއާގައި ދިރިއުޅެ، ތައުލީމް ހާސިލްކޮށްފައިވާ ޔާމީން ގެންދަނީ "ދަ ޑެއިލީ ޕެނިކް" ގެ ނަމުގައި ބްލޮގެއް، އިނގިރޭސި ބަހުން ލިޔަމުންނެވެ. ރާއްޖޭގެ އެކި މައްސަލަތަކާ ބެހޭ ގޮތުން އޭގައި އޭނާ ލި އެވެ.
Nobody in Maldives can get justice under this brutal regime. Stand up and fight for justice. Justice to Yaameen Rasheed.
— Ali Hussain (@AleeVoice) April 23, 2017
ރައްޔިތުންގެ މަޖިލިހުގެ ކެންދޫ ދާއިރާގެ މެމްބަރު އަދި ގާނޫނީ ވަކީލު އަލީ ހުސެން ވިދާޅުވީ އިންސާފު ހޯދަން އެންމެ ހަނގުރާމަ ކުރަން ޖެހޭ ކަމަށެވެ. އަދި ޔާމީން ރަޝީދަށް ވެސް އިންސާފު ލިބެން ޖެހޭނެ ކަމަށް އޭނާ ލިއުއްވި އެވެ.
ޔާމީންގެ މި މަރާ ގުޅިގެން އެކި މީހުން ވަރަށް ބޮޑަށް ގެންދަނީ ކަންބޮޑުވުން ފާޅުކޮށް، ރައްޔިތުންނަށް އޮތް ރަައްކާތެރިކަމާ ބެހޭ ގޮތުން ސުވާލުކުރަމުންނެވެ. މި މަރާ ގުޅިގެން ކުރީގެ ރައީސް މައުމޫން އަބްދުލްގައްޔޫމް ކުރެއްވި ޓްވީޓެއްގައި މި އަނިޔާވެރި އަމަލު ކުށްވެރިކުރައްވާފައިވެ އެވެ. އަދި އިންސާފު ގާއިމުކުރުމަށް ގޮވާލައްވާފައިވެ އެވެ.
Deeply shocked by the killing of social media activist Yameen Rasheed. May Allah bless his soul! His murderers must be bought to justice.
— Maumoon Abdul Gayoom (@maumoonagayoom) April 23, 2017
ކުރީގެ ރައީސް މުހައްމަދު ނަޝީދު ޓްވިޓާގައި ވިދާޅުވީ އަޑު އުފުލުމުގައި ހިތްވަރުގަދަ މީހެއް ކަމަށާއި މި މައްސަލާގައި އިންސާފު ހޯދައިދެވޭނީ ބައިނަލްއަގުވާމީ މުޖުތަމައުގެ އެހީއާ އެކު ކުރިއަށް ގެންދާ އިންސާފުވެރި ތަހުގީގަކުން ކަމަށެވެ.
A brave voice, brutally silenced. Only an impartial & open investigation with international participation can provide justice for @yaamyn.
— Mohamed Nasheed (@MohamedNasheed) April 23, 2017
ކުރީގެ ރައީސް މުހައްމަދު ވަހީދު ވެސް ވަނީ ޔާމީންގެ މަރާ ގުޅިގެން ހިތާމަ ފާޅުކުރައްވައި، މި މައްސަލަ މިނިވަންކަމާ އެކު ތަހުގީގުކުރުމަށް ގޮވާލައްވައިފަ އެވެ.
ޔާމީންގެ މަރަކީ މީޑިއާ އަށް ދިން ހަމަލާއެއް: ސަރުކާރު
ޔާމީން މަރާލީ އެތައް ފަހަރަކު އިންޒާރު ދިނުމަށްފަހު!
ނަތީޖާ ނުނެރެވި މަރު ކޮމިޝަން މަރުވެއްޖެ؟!
މަރުތަކަށް އިންސާފު ނުލިބެނީ ނުފޫޒު ވަންނާތީ:މިނިސްޓަރު
ޔާމީންގެ އުފަންދުވަސް؛ ހިމޭން ކަމާއި މާޔޫސް ކަމުގައި!
ރިލްވާން ގެއްލުނުތާ ތިން އަހަރު، ޖަވާބެއް ނެތް!
ޔާމީންގެ މަރުގެ އިންސާފު ހޯދަން އެޗްއާރުސީއެމަށް
ޔާމީންގެ މަރުގެ ތަހުގީގު ވެސް ހަމަ އެ ދިމާލަށް؟!
ޔާމީންގެ ތަހުގީގަށް އިންޑިއާގެ އެހީތެރިކަމަށް އެދިއްޖެ
ޔާމީންގެ އާއިލާ އިން ހުށަހެޅި ސިޓީތައް ބަލައެއްނުގަތް!