އުރީދޫގެ ދޯހާ މެރަތަންއަށް ދާ ދެ ދިވެހިން ހޮވައިފި

އުރީދޫ ގްރޫޕުން ގަތަރުގެ ދޯހާގައި ބާއްވާ މެރަތަންއިންގައި ބައިވެރިވުމުގެ ފުރުސަތު ލިބޭ އުރީދޫ މޯލްޑިވްސްގެ ކަސްޓަމަރުން ހޮވައިފި އެވެ.

އުރީދޫ މޯލްޑިވްސްއިން ވަނީ ދޯހާ މެރަތަން އިން ދެ ދިވެއްސަކަށް ފުރުސަތު ދިނުމުގެ ގޮތުން ހާއްސަ ލަކީޑްރޯއެއް މިދިޔަ އޮކްޓޯބަރު މަހުގެ 26 ވަނަ ދުވަހުން ނޮވެމްބަރު މަހުގެ 26 ވަނަ ދުވަހުގެ ނިޔަލަށް ކުރިއަށް ގެންގޮސްފަ އެވެ.

މެރަތަން އަށް ހޮވުނީ މުހައްމަދު އަހްޒާދު އަހްމަދު އަދި ތޯރިގް މުހައްމަދެވެ.

ދޯހާ މެރަތަންގައި ބައިވެރިވުމަށް ލަކީޑްރޯ އިން ފުރުސަތު ދީފައި ވަނީ އުރީދޫ މޯލްޑިވްސްގެ ކަސްޓަމަރެއްގެ ގޮތުގައި މަދުވެގެން އެއް އަހަރު ދުވަސްވެފައިވާ ހާފް މެރެތަންއެއް ދުވެފައިވާ ނުވަތަ ހާފް މެރަތަންއެއް ދުވުމުގެ ސިއްހީ ގާބިލުކަން ހުރި މީހުންނަށެވެ.

ދޯހާ މެރަތަން އަކީ ކޮންމެ އަހަރަކު ވެސް އުރީދޫ ގްރޫޕުން ގަތަރުގައި ބާއްވާ ދުވުމެކެވެ.

މިފަހަރު މި ދުވުން އޮންނާނީ އަންނަ ޖެނުއަރީ މަހުގެ 17 ވަނަ ދުވަހު އެވެ. މި ދުވުމުގައި 15،000 އެއްހާ މީހުން ބައިވެރިވާނެ އެވެ.

އުރީދޫ ގްރޫޕުން ބާއްވާ މި ދުވުމުގައި ވައިވެރިވުމުގެ ފުރުސަތު މީގެ ކުރިން ވެސް އުރީދޫ މޯލްޑިވްސްގެ ކަސްޓަމަރުންނަށް ވަނީ ދީފަ އެވެ.