ދިރާގު "ވިން އަ ސްޕީޑްބޯޓް" ޕްރޮމޯޝަނުގައި އިތުރު އިނާމުތަކެއް ދެނީ

ދިރާގު "ވިން އަ ސްޕިޑްބޯޓް" ޕްރޮމޯޝަނާ އެކު ކޮންމެ މަހަކު ވެސް ހާއްސަ އިނާމުތަކެއް އެ ކުންފުނިން އަންނަނީ ދެމުންނެވެ.

މި އިނާމުތައް ހޯދުމުގެ ފުރުސަތު ޕްރޮމޯޝަން ނިމެންދެން އޮންނާނެ އެވެ. މި މުއްދަތުގެ ތެރޭގައި ސްޕީޑް ބޯޓު ހޯދުމަށް އެންރޯލްވާ ކަސްޓަމަރުންނަށް ކޮންމެ މަހަކު ނަގާ ގުރުއަތުގައި އޮޓޮމެޓިކުން ބައިވެރިވެވޭނެ އެވެ.

މި ޕްރޮމޯޝަނުގައި ކޮންމެ މަހަކު ދޭ އިނާމުތަކުގެ ތެރޭގައި ތެރޭގައި ގޯ ޕްރޯ ހީރޯ 12، ސްޕޯޓްސް ފިޝިންގް ގިއާ ސެޓް، ސުންޓޯ ޑީ5 ވޮޗް އަދި ޑީޖީއައި މިނީ ފަދަ އަގުހުރި އިނާމުތައް ހިމެނެ އެވެ.

ދިރާގުގެ "ވިން އަ ސްޕީޑް ބޯޓު" ޕްރޮމޯޝަނުގައި ބައިވެރިވެވޭނީ ދިރާގުގެ 400ރ. އިން މަތީގެ ޕޯސްޓްޕެއިޑް ޕެކޭޖު ގެންގުޅޭ ކަސްޓަމަރުންނާއި ފައިބާ 40އެމް ޕެކޭޖުން މަތީގެ ޕެކޭޖުތައް ގެންގުޅޭ ކަސްޓަމަރުންނަށާއި 400ރ. އިން މަތިން ރީޗާޖުކުރާ ޕްރީޕެއިޑް ކަސްޓަމަރުންނަށެވެ. އަލަށް އެ ނެޓްވޯކާ ގުޅި މި އަގުތަކުން މަތީގެ ޕެކޭޖުތައް ނަގާ ކަސްޓަމަރުންނަށް ވެސް ޕްރޮމޯޝަނުގައި ބައިވެރިވެވޭނެ އެވެ. ޕްރޮމޯޝަނުގައި ބައިވެރިވާން ޝަރުތު ހަމަވާ ކަސްޓަމަރުންނަށް ޕްރޮމޯޝަނުގައި ބައިވެރިވެވޭނީ "ވިން އަ ސްޕީޑް ބޯޓް" ޕޯޓަލްއިން ޕްރޮމޯޝަނަށް އެންރޯލް ކޮށްގެންނެވެ.

މި ޕްރޮމޯޝަނުގައި ދޭނީ ޔަމަހާގެ އިންޖީނު އެޅި އަލް ޝާލީ މެރިންގެ "މަޖެލަން 32" ބޯޓެވެ.

"ވިން އަ ސްޕީޑް ބޯޓް" ޕްރޮމޯޝަން ކުރިއަށް ދާނީ ޑިސެމްބަރު މަހުގެ 16 ވަނަ ދުވަހުގެ ނިޔަލަށެވެ.