ޕާޓީ އުވާލަން ނިންމީ ގާނޫނާ ހިލާފަށް، އެކަން ސާބިތުކޮށް ކާމިޔާބު ހޯދާނަން: އެމްއާރުއެމް

ކުރީގެ ރައީސް މައުމޫން އަބްދުލް ގައްޔޫމްގެ މޯލްޑިވްސް ރިފޯމް މޫވްމަންޓް (އެމްއާރުއެމް) އުވާލަން ނިންމީ ގާނޫނާ ހިލާފަށް ކަމަށް ވިދާޅުވެ، އެ ޕާޓީގެ އިސްވެރިން މިއަދު ކަންބޮޑުވުން ފާޅުކޮށްފި އެވެ.

ސިޔާސީ ޕާޓީތަކުގެ ގާނޫނުގައި ބުނާ 3،000 މެމްބަރުން ހަމަކުރަން ދެ ފަހަރަށް ނޯޓިސް ދިނުމަށް ފަހު އެމްއާރުއެމް އުވާލަން އިލެކްޝަންސް ކޮމިޝަން (އީސީ) އިން ވަނީ ނިންމައިފަ އެވެ. ނަމަވެސް، މި ނިންމުމާ އެ ޕާޓީގެ މުޝްތަޝާރު މައުމޫނާއި އެމްއާރުއެމްގެ ރައީސް ފާރިސް މައުމޫން ވިދާޅުވީ ޕާޓީ އުވާލަން ނިންމީ ގާނޫނާ ހިލާފަށް ކަމަށެވެ.

ފާރިސް ކުރެއްވި ޓްވީޓުގައި ވިދާޅުވީ މެމްބަރުން މަދުވުމުން ޕާޓީ އުވާލަން ނިންމިކަން އީސީން އަންގާފައިވާ ކަމަށެވެ. އެހެންވެ، ޕާޓީއަށް މި ދަތި ދަނޑިވަޅުގައި ސަޕޯޓަރުން ހިމޭނުން ތިބުމަށް އޭނާ ވަނީ އިލްތިމާސްކުރައްވައިފަ އެވެ.

ޕާޓީ އުވާލުމުގެ މި މަރުހަލާއަކީ ގައުމަށް ކުރިމަތިވެފައިވާ ކޮރަޕްޝަނާއި ލާއިންސާނީ އަމަލުތައް ދައްކުވައިދޭ ކަމެއް ކަމަށާއި އެއީ، ފާރިސް ވިދާޅުވި ގޮތުގައި، އާއްމުވެފައިވާ އުސޫލަކަށް ވެފައިވާ ކަމަށެވެ. ނަމަވެސް، ޣައިރު ގާނޫނީ އެ ނިންމުމާ ދެކޮޅަށް މަސައްކަތްކޮށް ކާމިޔާބު ހޯދާނެ ކަމަށް ވިދާޅުވެ، ފައިސާ އާއި ނުފޫޒު އޮފް ކޮރަޕްޓް ސިޔާސީ ހަރަކާތްތައް ވައްޓާލުމަށް ކުރާ މަސައްކަތުގައި ފާޅުގައި އެ ޕާޓީއާ ބައިވެރިވުމަށް ވެސް އޭނާ ވަނީ ދައުވަތު އަރުވައިފަ އެވެ.

ދަރިކަލުންގެ ޓްވީޓަށް ރައްދު ދެއްވަމުން މައުމޫން ވިދާޅުވީ ޣައިރު ގާނޫނީ އަދި ކޮރަޕްޝަންގެ އިޖުރާއަތާ ދެކޮޅަށް ހަނގުރާމަކޮށް ކާމިޔާބު ހޯދާނެ ކަމަށެވެ.

އެމްއާރުއެމްގެ ނައިބު ރައީސް އާމިނަތު ނާދިރާ ކުރެއްވި ޓްވީޓުގައި ވިދާޅުވީ ޕާޓީ އުވާލަން ނިންމިއަސް ދޫނުދޭނެ ކަމަށާއި އެކަމާ ދެކޮޅަށް ހަނގުރާމަ ކުރާނެ ކަމަށެވެ.

"އެމްއާރްއެމް އުވާލުމުން އެ މީހުން އަޅުގަނޑުމެންނަށް ހުއްޓުވޭނެ ކަމަށް ހީވޭ، އަޅުގަނޑުމެން ބުނަން ޖެހޭނީ "ސޮރީ" އޭ، އަޅުގަނޑުމެން ނުހުއްޓުވޭނެއޭ. އިންޝާ الله އަޅުގަނޑުމެންނަށް ކާމިޔާބު ލިބޭނެ." ނާދިރާ ވިދާޅުވި އެވެ.

އެމްއާރުއެމަށް ފުރަތަމަ ނޯޓިސްދިނީ 2022 ގަ އެވެ. ގާނޫނުގައި ބުނާ އަދަދަށް މެމްބަރުން ހަމަނުވެގެން ތިން މަސް ދިން ޕާޓީތަކުގެ ތެރޭގައި އޭރު އެމްއާރުއެމް ހިމެނުނަސް މިދިޔަ އަހަރުގެ ޖޫން މަހުގެ ތެރޭގައި މެމްބަރުން ހަމަކުރި އެވެ. އެހެންވެ ޕާޓީ އުވުމުގެ ބިރު ފިލީ އެވެ.

އެކަމަކު، މެމްބަރުން ވަކިވުމުން އެ ޕާޓީއަށް އަނެއްކާ ވެސް މިދިޔަ ފެބުރުއަރީ މަހުގެ ތެރޭގައި ދެވަނަ ނޯޓިސް އެއް ދިނެވެ. އެ މުއްދަތު ހަމަވީ މިދިޔަ ބުދަ ދުވަހަށެވެ. އެކަމާ ގުޅިގެން އެ ޕާޓީން ކުރިން ބުނީ ޕާޓީން މެމްބަރުން މަދުވުމުގައި އޮޅުވާލުންތަކެއް ހިނގަ އެވެ. އެންގުމަކާ ނުލައި އެ ޕާޓީގެ މެމްބަރުން އެހެން ޕާޓީތަކަށް ގެންދާއިރު ބައެއް މީހުން ތިބެނީ ޕާޓީގެ އެކި މަގާމްތަކުގައި ކަމަށް ވެސް އެމްއާރުއެމް އިން ބުންޏެވެ.